تحضير حلويات تقليدية

طريقة تحضير صابلي بريستيج يذوب في الفم 

•العجينة: 

(250غ)زبدة طرية +(4)ملاعق كبيرة زيت + حبة بيض كاملة + كيس فلان ذوق فراولة(54غ) مع رشة صغيرة ملح ونخلط كل شيء بالخلاط الكهربائي جيداً بعدها نضيف ملعقة ك نشاء + كأس أول فرينة مع ملعقة صغيرة خميرة حلويات(3غ)، نخلط كل شيء بيدي برؤوس الأصابع فقط بعدها نضيف كأس ثاني ناقص ملعقة، نخلط حتى نتحصل على عجينة طرية نغطيها بكيس بلاستيكي، نتركها ترتاح نصف ساعة، ثم نبسطها بالحلال على كيس بلاستيكي سمك(2ملم) ونطبع بطابع قلب(لك إختيار الشكل)، نضعها في صينية طهي، مباشرة لفرن يكون مسخن من قبل درجة 180° مشعل من أسفل فقط يطيب مدة 15د ونطفي عليه. 

•التزيين: 

بعدما برد الصابلي نحشيه بكريمة الزبدة، نخليلو فراغ بالوسط(كما موضح بالصورة) بعدها نحط في الوسط كريمة فراولة ونغلق حبتين مع بعض نسويها مليح، نضعها في الثلاجة نصف ساعة تحكم روحها من بعد نبدا نڨلاصي فيها بالشوكولا بيضاء نخليها تنشف، نزينها بخطوط شكولا وحبيبات عقاش.

•كريمة الزبدة: 

2ملاعق زبدة + 2ملاعق شونتيي + 2ملاعق سكر ناعم + 2ملاعق ك زيت مع رشة لفاني، إخلطي الكل بخلاط كهربائي حتى يطلعو مليح ويصبح خليط أبيض. 

•كريمة الفراولة: 

كأس ماء + ملعقتين ك سكر عادي + نصف كأس فلون فراولة + ملعقة ك نشاء + ملون أحمر حطيها فوق النار حتى تثقال نطفي عليها. 

ڨلاصاج الشوكولا: 

(280غ)شوكولا بيضاء + ملعقة ك زيت + ملعقة صغيرة ملون أبيض بودرة إذا لم يتوفر نضيف ملعقة ص نشاء ونخلط حتى تذوب النشاء. 

•ملاحظة: 

كمية الكريمة تخرج ضعف كمية الصابلي يعني تستعمليها وتزايد البقية.

كمية الڨاطو خرجت 25حبة.