5/12/2013

طريقة سوفليه بالبرتقال

طريقة سوفليه بالبرتقال
- ملعقة كبيرة عصير برتقال خالي السكر
- ملعقة صغيرة بشر البرتقال
- 3 ملعقة كبيرة زبدة سايحة
- 1/8 ملعقة صغيرة فانيليا
- 3 ملعقة كبيرة دقيق
- ¼ كوب لبن ساقع
- ¼ كوب سكر
- 2 بيضة
اقسمي البيضتين، يعني البياض لوحده والصفار لوحده، وبعدين ادهني القوالب بملعقة زبدة وضيفي في واحدة ملعقة سكر ورجّيها بحيث إن السكر يملا القالب من جوه وبعدين صبي السكر الباقي في القالب التاني وكرري نفس الخطوة.
حطي باقي الزبدة في الطاسة وضيفي عليها الدقيق وقلبيهم مع بعض على النار لمدة دقيقتين، وبعدين ضيفي عليهم اللبن الساقع وقلبيهم لحد ما يبقى الخليط كريمي سميك.
شيلي الخليط من على النار وضيفي عليه بشر البرتقال وعصير البرتقال وامزجيهم مع بعض، وبعدين ضيفي عليهم صفار البيض واستمري بالمزج، وبعدين ضيفي عليهم الفانيليا وقلبيهم مع بعض كويس وسيبيهم على جنب.
اخلطي بياض البيض كويس بمضرب اليد، وبعدين ضيفي عليه نصف كمية السكر، واستمري بالخلط لحد ما يبقى الخليط سميك، وبعد كده ضيفي باقي كمية السكر واخلطيهم مع بعض لحد ما يبقى الخليط شبه الكريمة، وبعدين ضيفي الخليط على مرحلتين للخليط السابق (خليط صفار البيض) وقلبيهم مع بعض لحد ما يختفي بياض البيض.
صبّي الخليط في القوالب ودخّليه فرن درجة حرارته 200 درجة مئوية لمدة 16 دقيقة، وبعدين قدميه.

موسوعة الطبخ

موسوعة الطبخ

موقع موسوعة الطبخ يهتم بالمطبخ العربي والمطبخ الشرقي وال مطبخ العالمي ,بالاضافة الى الحلويات المختلفة وكذلك الأكلات الشعبية والتى لازالت تحتل مكانتها في المطبخ العربي,كذلك وصفات متعددة للصلصات والسلطات وانواع كثير من العصائر الباردة والمنعشة

 
موسوعة الطبخ © 2015 - Designed by Templateism.com