القائمة الرئيسية

الصفحات

كوكيز ببشر البرتقال

كوكيز ببشر البرتقال
للكوكيز:
- 2 ½ كوب دقيق
- 1 ملعقة كبيرة بيكنج بودر
- رشة ملح
- ا كوب زبدة سايحة
- 1 كوب سكر بحبب "من غير طحن"
- 2 ملعقة كبيرة بشر برتقال
- 2 ملعقة كبيرة عصير برتقال
- 1 بيضة
للصوص:
- 1 ½ كوب سكر مطحون ناعم
- ملعقة كبيرة بشر برتقال
- 2 ملعقة كبيرة عصير برتقال
للكوكيز:
نحط بشر البرتقال على السكر في طبق و نفرك البشر مع السكر لحد ما السكر ياخد طعم و لون البرتقال,وفي طبق غويط نحط الدقيق + البيكنج بودر و رشة الملح و نقلب كويس
نحط عليهم خليط السكر اللي عملناه و نقلب,و نحط البيضة و الفانيليا و نقلب كويس
اخر حاجة الزبدة,و نقلب كويس لحد ما تتشكل معانا عجينة ماسكة نفسها.
ونجيب الصواني اللي هنعمل فيها و نفرش فيها ورق زبدة.
ونبدأ ناخد قطعة صغننة من العجين و نكور كور وسط مش صغننة و مش كبيرة
ونرصهم في الصينية,وندخلهم الفرن على درجة حرارة عالية لمدة 10 ل 12 دقيقة
يادوب تبدأ تاخد لون ذهبي فاتح من تحت و نشيلها على طول.
نطلع الصينية تبرد شوية و بعدين نشيل الكوكيز بالراحة بملعقة مسطحة كبيرة من بتوع المطبخ علشان ماتتفتفتش معانا.
و بعد ما بتبرد خالص بتنشف شوية علشان كده مش المفروض نسيبها في الفرن كتير علشان ماتنشفش اوي.
بنحط السكر المطحون و بشر البرتقال و عصير البرتقال مع بعض و نقلب كويس و بس كده.بتحطيه على الكوكيز.