4/12/2013

طريقة فطيرة اللحمة المفرومة

 العجينة:
- 2½ كوب دقيق
- مكعب زبدة كبير مقطع شرائح
- ½ ملعقة صغيرة ملح
- ملعقة كبيرة خل تفاح
- 7 ملعقة كبيرة ميه
الحشو:
- ¼ كيلو لحمة مفرومة معصّجة
- كوب بصل أخضر مقطع لقطع صغيرة
- ¼ كوب جبنة شيدر مبشورة
- ¾ كوب لبن
- كوب كريمة
- زيت زيتون
- 3 بيضة
لعمل العجينة، اخلطي الخل مع الميه وسيبيه على جنب، وبعد كده ضيفي الملح للدقيق، واخلطيه مع الزبدة وضيفي عليهم الميه بالخل، واستمري بالخلط لحد ما تتجانس العجينة، وبعدين افردي العجينة بإيدك، واقسميها نصفين وغلّفيهم بكيس وحطّيهم في الثلاجة لمدة 30 دقيقة.
طلّعي العجينة من الثلاجة وافرديها في طبق فرن، ودخّليها فرن ساخن لمدة من 10 : 15 دقيقة، وبعد كده طلّعي العجينة من الفرن وسيبيها على جنب.
اخلطي البيض مع الكريمة واللبن والزعتر وسيبيهم على جنب، وبعدين افردي نصف كمية اللحمة على العجينة، وبعدين ضيفي نصف كمية الجبنة.
بعد كده ضيفي خليط البيض والكريمة، وبعدين ضيفي باقي كمية اللحمة والجبنة، ودخّلي العجينة مرة تانية في الفرن لمدة من 40 : 45 دقيقة، وبعدين طلّعيها من الفرن وسيبيها تبرد شوية، وبعدين قدّميها.. وبالهنا والشفا.
ملحوظة: ممكن تستخدمي النصف التاني من العجينة في مرة تانية.

موسوعة الطبخ

موسوعة الطبخ

موقع موسوعة الطبخ يهتم بالمطبخ العربي والمطبخ الشرقي وال مطبخ العالمي ,بالاضافة الى الحلويات المختلفة وكذلك الأكلات الشعبية والتى لازالت تحتل مكانتها في المطبخ العربي,كذلك وصفات متعددة للصلصات والسلطات وانواع كثير من العصائر الباردة والمنعشة

 
موسوعة الطبخ © 2015 - Designed by Templateism.com