2/15/2013

عمل الفراخ بصوص

عمل الفراخ بصوص
- ½ كيلو فراخ بانيه مقطعة شرائح.
- ثمرة فلفل أحمر باردة كبيرة ومفرومة.
- ثمرة فلفل أخضر حار مقطّعة شرائح.
- ثمرة فلفل أحمر حار مقطّعة شرائح.
- ثمرة بصل كبيرة ومقطّعة شرائح.
- 2 ملعقة كبيرة عصير ليمون.
- ¼ كوب صلصة طماطم.
- ¼ كوب أوراق بقدونس.
- 2 ملعقة صغيرة نشا.
- كوب شوربة فراخ.
- 2 فص ثوم- ملح وفلفل - زيت زيتون.
اخلطي الفراخ مع الثوم وعصير الليمون وصلصة الطماطم والفلفل الأحمر الحار والفلفل الأخضر الحار والملح والفلفل، وحطّي الفراخ مع التتبيلة دي في الثلاجة لمدة ليلة كاملة أو ممكن تستخدميها بعد 4 ساعات لو كنتي مستعجلة.
هاتي طاسة كبيرة، وحطّي فيها كمية مناسبة من الزيت وشوّحي فيها الفراخ مع التتبيلة الى ان يصير لون الفراخ مائل للبني، وبعدها ارفعي الفراخ من الطاسة.
بعدها ضعي كمية تانية من الزيت في نفس الطاسة، وشوّحي فيه البصل والفلفل الأحمر البارد المفروم لغاية ما البصل يصير طري، وبعدها حطّي الفراخ مرة تانية في الطاسة وضيفي معاها النشا بعد ما نقوم بتدوّبيها في شوربة الفراخ.
قلّبي الخليط مع بعضه على النار لغاية ما يغلي وكثافته تزيد والفراخ تستوي تماما، وفي الآخر حطّي البقدونس الأخضر وقلّبيهم مع بعض على النار، وبعد كده اغرفي الفراخ في طبق التقديم.

موسوعة الطبخ

موسوعة الطبخ

موقع موسوعة الطبخ يهتم بالمطبخ العربي والمطبخ الشرقي وال مطبخ العالمي ,بالاضافة الى الحلويات المختلفة وكذلك الأكلات الشعبية والتى لازالت تحتل مكانتها في المطبخ العربي,كذلك وصفات متعددة للصلصات والسلطات وانواع كثير من العصائر الباردة والمنعشة

 
موسوعة الطبخ © 2015 - Designed by Templateism.com