تحضير حلويات تقليدية

كيفية تحضير كوكا بالعجينة المورقة 

المكوّنات
1 كيلوغرام فرينة
ملعقة كبيرة ملح
3 ملاعق كبيرة خل
1/2 كأس زيت (حوالي 50 ملل)
ماء بارد (حوالي كأس 240 ملل)
500 غ مرغرين توريق باردة / او مجمدة
التوريق:
3 تور دوبل (4 طيات نكرر العملية 3 مرات)
1 تور سامبل (3 طيات) في الاخير
الخطوات
نحضر العجينة :
نحط الفرينة + الملح + الزيت + الخل + الماء نفرغه فوق الزيت تظريجيا حتى تتكونلي عجينة جد متماسكة لكن طرية.
نعجن دقيقة فقط نقسم العجينة الى قسمين و نتركها ترتاح 10 د الى ربع ساعة في الثلاجة.
الزبدة المورقة نقسمها نصفين و نتركها تبرد في المجمد او الثلاجة قبل الإستعمال.
نفتح العجينة الاولى على شكل مربع او مستطيل.
نبرش (نسكرفج) القسم الأول من زبدة التوريق فوق كل سطح العجينة بالتساوي.
ثم نلوي العجينة فوق بعضها كيما نعمل رولي roulé و نقفل في الاطراف. نترك الرولي الأول على جنب.
نفتح العجينة الثانية بنفس الطريقة و نبرش فوقها زبدة التوريق بنفس الطريقة نحط فوق العجينة الرولي الأول و نبدا نرولي عليه للمرة الثانية. نبدأ نبسط في العجينة بالحلال على شكل مربع او مستطيل.
عندما نبسط العجينة. ● نعمل دوبل تور الأول (4 طويات).
ونعاود نفتح العجينة. ● نعاود دوبل تور الثاني.
و نعاود نفتح العجينة. ● نعاود دوبل تور الثالث.
و نعاود نفتح العجينة للمرة الأخيرة.
آخر مرحلة. نعمل تور سامبل (tour simple) يعني 3 طويات. و نقطع العجينة حسب الرغبة. انا قطعتها على 3 اجزاء. العجينة جاهزة للاستعمال.