تحضير حلويات تقليدية

طريقة تحضير صابلي الليمون

مقادير العجينة:
250غ زبدة
نصف كاس سكر ناعم
3صفار بيض
ملعقة كبيرة عطر الليمون
مبشور حبة ليمون
كاس مايزينة
ملعقة صغيرة خميرة الحلوى
فرينة حسب الحاجة
طريقة التحضير:

في وعاء نخلط جميع المكونات من غير الفرينة ونضربهم مليح بالباتوغ او باليد ونضيف الفرينة باتدريج حتى تولي لعجينة طرية نطبعها ونطيبها ونخليها تبرد مليح ونلصقها باكريمة الزبدة ونحطهت فاثلاجة تبرد على الاقل ربع ساعة باش تلصق لكريمة مليح.
كريمة الزبدة:

في وعاء نحط 100غ زبدة معا 4ملاعق سكر ناعم ونضربهم مليح بالباتوغ حتى تولي الزبدة لونها ابيض من بعد نضيف 3ملاعق كرام شونتيي وملعقة صغيرة عطر الليمون ومبشور حبة ليمون وملعقة عصير ليمون ونضربهم مليح ونخلي لكريمة تبرد شوية قبل ما نلصق بيها الصابلي.
غلاصاج:

في وعاء نحط كيلة حليب،كيلة عصير ليمون،نصف كيلة زيت ،ملعقة كبيرة ماء الزهر،2ملعقة لحضة،ملعقة صغيرة عطر الليمون نخلط كلش مليح ونضيف السكر الناعم المغربل باتدريج حتى يولي الخليط ثقيل باش كي نغلاصو الحبة ميسيحلناش الغلاصاج،نغلاصي حبات الصابلي وزيرنيه باش حبيتي وخليه ينشف ليلة كاملة.